Salate
för de Grilltied
Deftiger Eiersalat
6 hartkakte Eier, 150g Pelltüften, 100g suer
Gurken, 100g Zwiebeln,
150g Salatcreme orrer Mayonnaise
Pelltüften kaken, nah dat Koltwarden afpellen un in lütte Würfel
schnieden.
In eene Schöttel bäten Essig un Öl un die fienhackten Zwiebeln gäwen, de
Tüften, Gurken un de Creme dortaudon un allst vermengeliern.
Denn die lütthackten Eier unnertrecken. Mit Solt un Päper afschmecken.
Frische Peterzill oewerstreugen.
7-Tassen-Salat
1 Tass Matjes- Hieringsfilets (lüttschnäden)
1 Tass Sellerie- Konserve (in fiene Striepen schnäden)
1 Tass Ananas (lüttschnäden)
1 Tass sure Gurken (lüttschnäden)
1 Tass Zwiebel (lüttschnäden)
1 Tass söte orrer sure Sahne
>>> Allst vermengeliern un poor Stunnen dörchtrecken laten
Schwartwöddel – Salat
1 Glas Schwartwöddeln
lüttschnieden (Water wegkippen)
1 Dose Früchtecocktail dortaugäwen
(ahn' Saft)
4 hartkakte Eier in Schiewen orrer Stück’ schnieden
>>>
Allst mit een Glas Remouladen-Sauce vermengeliern un dörchtrecken laten
Diogenesische Hieringshappen
1 Packung Matjes- Hieringsfilets mit warm Water afspölen (Öl wegschürren!),
denn de (mit Koekenkrepp aftuppten) Filets in Stückchen schnieden,
1 sötsuren Appel schellen un in Würfel schnieden
¼ frische Salatgurke schellen un in Würfel schnieden
Sauce: 1 Becher Schmand (orrer
Creme Fraiche) mit den Saft von een Zitron mischen,
4 Teeläpels Zucker un bäten Päper togäwen
>>> Allst vermengeliern un dörchtrecken laten
Schichtsalat
Disse
Zutaten in eene grote Schöttel (mit Deckel) oewereinanner schichten:
4 hartkakte Eier (in Schiewen schnäden)
1 lüttes Glas Sellerie
1 lütte Dos’ Ananas
1 lütte Dos’ Mandarinen >>> allst ahn’ Saft un
lüttschnäden!
1-2 Stangen Porree ( blots dat Witte!) in fiene Schiewen schnieden
1 Appel, schellt un in Würfel schnäden
1 Glas Miracle Whip (Balance) doroewer verdeelen
>>>24 Stunnen in’t Köhlschapp dörchtrecken laten,
denn dörchrühren un servieren.
Mischsalat
1 Dos' Fruchtcocktail
1 Dos' Mais
1 Dos' rode Bohnen
250g Fleeschsalat
Bohnen un Mais unner fleitend Water
afspölen, afdrüppeln laten un in eene Schöttel gewen.
Denn kümmt de Fruchtcocktail ahn' Saft dortau un ok de Fleeschsalat.
Allst vermengelieren, Deckel up de Schöttel setten un den Salat dörchtrecken
laten.
Appelsalat
500g Äppel
200g entsteente Suerkirschen (aus einem Glas)
1EL Sultaninen
2EL Weinbrand
2EL
Zitronensaft
1EL Bienenhonnig
2EL Joghurt
50g Kokosraspel
De Sultaninen in den Schnaps leggen un trecken laten.
De Äppel warden schellt un in schmale Schiewen schnäden.
De Appelschiewen, de halfschnäden Kirschen un de Sultaninen in eene Schöttel
gewen.
Zitronensaft, Joghurt un Bienenhonnig to eene Sauce rühren un oewer dat Awt
gewen.
Allst dörchmischen un mit Kokosraspel bestreugen.
Keesbrot
400g
Mähl
1
P. Backpulver
1 TL Solt
200 – 250g Riefkees (Reibekäse)
300 ml Melk
Keesbrot
lött sich fix un einfach tobereiten:
Mähl mit einen Teeläpel Solt un 1 P. Backpulver mischen.
200g Riefkees instreugen.
Melk tofügen un den Deeg kort verknäden.
Backaben up 180°C vörheiten.
Deeg in eine infett’te Kastenform gewen .
Eventuell
50g Kees als Deckschicht upkrümeln.
De Backform up de mittlere Schien’ in den Aben schuwen un ca. 25-30
Minuten bi 180°C Ümluft backen.
Keesbrot ut den Aben nehmen un ca. 5 Minuten in de Form afköhlen laten. Up
ein Kokenrost störten un wierer afköhlen laten. Am besten schmeckt dat
Keesbrot noch warm mit bäten Botter/Kräuterbotter. Dat passt ok sehr got to Grillfleesch orrer Salate .
Zucchini- Cremesupp' 
Zucchini schelln, ( bi grote Frücht’ dat Kernhuus
ruttrennen) un in Würfel schnieden
Mit wenig Water un bäten Solt to’n Kaken bringen
Wenn dat Gemüs’ gor is, den Pott von’t Füer nähmen
un bäten afköhlen laten
Mit den Püreerstab püreern
Denn een poor Ätlepels (Kräuter-)Frischkäs’ mit
den Schneebessen unnerrühren (t.B. Almette orrer Miree)
Man kann ok noch bäten Melk orrer Water toschürrn,
To’n Schluss afschmecken mit Päper un Zitronensaft
(un frisch’ Goornkruut)
Allst noch ees kort köcheln laten, denn serveern.
